Сіз сүйіктіңізбен қарым-қатынасқа жаңадан түскен сәттен бастап, ғашығыңыздың ешқандай кемшілігін көре алмай, махаббаттан басыңыз айналып қалуы әбден мүмкін. Эйфория сәтінің кесірен, Сіз қарым-қатынас кезінде мазалайтын белгілерді ескере алмай қаласыз.
Өкінішке орай, қарым-қатынас кезінде мұндай ескерту белгілерін елемейтін болсаңыз, махаббаттың арбауына түсіп, кейіп қиналып қаласыз.
Кәсіби психология мамандары қарым-қатынас кезіндегі ескерту белгілеріне назар аударуға кеңес береді. Ол сіздің сүйіктіңізбен арадағы келіспеушіліктерді уақытында тоқтатуға көмектеспек.
- Бір-бірін алдап, өтірік айту
Жаныңызға жақын адамды ылғи өтірік айтқан жерінен ұстау – бұл жағымсыз белгі.
Мәселен, бұл достарыммен уақыт өткіземін немесе алдап қарыз сұрау сынды кішкентай өтірік айтудан бастау алады.
Сіздің жақыныңыз жиі алдауды әдетке айналдырса, ол арадағы қарым-қатынасты үзілуіне немесе болашақта ғашығыңызға деген сенімсіздікке әкеп соғады.
2. Үнемі қорлау
Сізді жиі сынайтын немесе қорлайтын серіктес сіздің өзіңізді бағалауыңызға әсер етеді. Эмоционалды зорлық-зомбылықтың бұл түрі қарым-қатынаста алаңдаушылық пен сенімсіздік сезімін тудыруы мүмкін.
Мәселен, қорлау мынадай сөздерден тұруы мүмкін:
- «Мен сенімен әлі де бірге болғаным үшін сен бақыттысың, өйткені сен менсіз ешқашан мақсаттарыңа қол жеткізе алмайсың».
- «Сенің күлгеніңнің өзі біртүрлі күлкінішті».
- Бір ауыздан келісімге келуден қашу
Егер сіздің серіктесіңіз компромиске келгісі келмесе, тіпті ұсақ-түйекке болса болса да, абай болуыңыз керек. Себебі, бұл ренішке, түсінбеушілікке және қанағаттанбау сезіміне әкелуі мүмкін.
Салауатты қарым-қатынаста бір-бірінің қажеттіліктері мен тілектерін ескеру өте маңызды.
- Маңызды әңгімелерден қашқақтау
Мәселелерді шешуге қажетті эмоционалды немесе мінез-құлық дағдылары жоқ серіктес сіздің қарым-қатынасыңызға зиян тигізуі мүмкін.
Тіпті ең сау қарым-қатынаста да қиын кезеңдер болады, сондықтан сіз серіктесіңіз жаман болған сайын қашып кетпей, сізбен тиімді қарым-қатынас жасайтынына сенімді болуыңыз керек.
- Шамадан тыс қызғаныш
Егер сіздің серіктесіңіз өте қызғаншақ болса, бұл олардың агрессивті мінез-құлқына әкелуі мүмкін. Ол сізді жиі қоңыраулармен немесе хабарламалармен мазаңызды алып, не істеп жатқаныңызды бақылауға тырысуы мүмкін.
Тәулік бойы қадағалау әрекеттері алғашында байқалмауы мүмкін. Бірақ уақыт өте келе, сіздің әрбір қадамыңызды анық басып, «дұрыс жасап жатырмын ба?» деген сұрақпен өмір сүресіз.
2014 жылғы зерттеулерге сүйенсек, шамадан тыс иелік еткен қарым-қатынаста болған адамдардың махаббат хикаясында сөйлесу стилі нашар болуы ықтимал екенін көрсетті.
6. Ашық тіл табыса алмау
Пассивті агрессияны көрсететін және сізді үнемі бірдеңе үшін кінәлайтын серіктеспен өімр сүру зиянды қарым-қатынасты көрсетеді.
Қарым-қатынастың негізі ол ашық тіл табыса білу. Сондықтан екеуіңіз де сөйлесуді ашық және еркін жасай алмасаңыз, болашақта қиындықтарға тап боласыздар.
Салауатты қарым-қатынас — екі серіктестің бір-бірін сынаудан қорықпай, эмоцияларын жасырмайтындай жүретін сенімді мекен болуы қажет.
Автор. Harper’s BAZAAR Kazakhstan. Фото. Shutterstock
