Жұлдыздардың танымалдылыққа дейінгі кездері әрқашан да қызық. Әсіресе медиа тұлғалардың жанкүйерлері үшін. Олар кумирлерінің өнер жолын бастамай тұрған сәттерін жиі көргісі келеді. Harper`s BAZAAR Kazakhstan шоу-бизнес өкілдерінің жастық шағына саяхат жасап, бүгінгі таңда қандай өзгеріске ұшырағандарын ашып көрсетпек. Біздің «Жұлдыздар танымалдылыққа дейін және қазір…» яғни «до и после» айдарының кезекті кейіпкері – әнші Ayau.
Ayau — өз тыңдарманын тапқан әсем дауыс иесі. Өнерпаз 2022 жылы музыкант әрі продюсер M’Dee негізін қалаған «Закрытый клуб» лейблында дебют алды. Десе де Аяулым Құсайын кішкентай кезінен бастап өнер жолында жүр. Мәселен, Ayau алғаш 5 жасында «Айгөлек» байқауында бақ сынаған.
![«Жұлдыздар танымалдылыққа дейін және қазір…» Ayau бала күніндегі ескі фотосуретін көрсетті](https://harpersbazaar.kz/wp-content/uploads/2024/04/photo_2024-04-02_13-03-35.jpg)
![«Жұлдыздар танымалдылыққа дейін және қазір…» Ayau бала күніндегі ескі фотосуретін көрсетті](https://harpersbazaar.kz/wp-content/uploads/2024/04/photo_2024-04-02_13-04-02.jpg)
Бала күнінен әнші болуды армандаған Аяулым бүгінде сұраныстағы поп-орындаушылар қатарында. Оның әр трегі хит екеніне топ-чарттар дәлел. ТМД елдеріне аты шықса да, Ayau шынайы өмірде барынша қарапайым. Оның өзіндік стилі мен өмірлік ұстанымы да бар.
![«Жұлдыздар танымалдылыққа дейін және қазір…» Ayau бала күніндегі ескі фотосуретін көрсетті](https://harpersbazaar.kz/wp-content/uploads/2024/04/photo_2024-04-02_13-03-38.jpg)
![«Жұлдыздар танымалдылыққа дейін және қазір…» Ayau бала күніндегі ескі фотосуретін көрсетті](https://harpersbazaar.kz/wp-content/uploads/2024/04/photo_2024-04-02_13-03-24.jpg)
Өз аудиториясы мен тыңдарманы үшін Ayau бүгінде тынбай еңбек етіп жүр. Әнші 13-сәуір күні жеке кешін береді. Соло концертте өнерпаз репертуарындағы хит тректерді жанды дауыста шырқамақ. Ал Аяулымның өнерінен бөлек сұлулығына келсек, ол барынша табиғи болуды көздейді.
![«Жұлдыздар танымалдылыққа дейін және қазір…» Ayau бала күніндегі ескі фотосуретін көрсетті](https://harpersbazaar.kz/wp-content/uploads/2024/04/photo_2024-04-02_13-03-11.jpg)
![«Жұлдыздар танымалдылыққа дейін және қазір…» Ayau бала күніндегі ескі фотосуретін көрсетті](https://harpersbazaar.kz/wp-content/uploads/2024/04/photo_2024-04-02_13-03-55.jpg)
Автор. Гүлдана Мұқан. Фотосуреттер: Кейіпкердің жеке мұрағатынан.