Қазақстанда Jaguar Land Rover концернінің көшбасшы модельдерінің бірі – Range Rover Sport ресми түрде таныстырылды.
Қуатты, жарқын, ымырасыз автокөлік дизель немесе бензин қозғалтқышымен жабдықталады, сондай-ақ гибрид электрмобиль түрінде де қолжетімді.
«Астана Моторс» құрамына кіретін British Motors Kazakhstan директоры Нұрбек Қарағаев: «Біз брендтің бүкіл сатылымының үштен бір бөлігін құрайтын көшбасшылардың бірін таныстырдық. Әлем нарықтарының ішінде жаңа Range Rover Sport ресми түрде Қазақстанда алғашқылардың бірі болып ашылғанын зор мақтанышпен айтқым келеді. Бұл 2022 жылы British Motors Kazakhstan компаниясы Jaguar Land Rover автокөліктерінің ресми дистрибьюторына айналуының арқасында мүмкін болды. Range Rover Sport екі ресми дилерлік орталықта, яғни Алматы мен Астана қалаларында таныстырылды. Осы модельдің барлық артықшылығын жеке бағалап, тексеріп көргісі келетіндер тест-драйвқа жазыла алады», – деп әңгімелеп берді.
Range Rover Sport спорттық молшылығына деген жаңа көзқарасты көрсетеді. Жаңа буынды автокөліктің таныс сырт келбеті сақталып, көлемі ұлғайған әрі күшті «жасырылған» есік тұтқалары, күндізгі жүріс жарықтары үзік сызықтары бар «сықсиған» жіңішке жарықдиодты оптикасы пайда болған. Аспаптың ішегіндей керілген түп-түзу шанағы қуаты мен күшін білдірсе, радиатор торы мен бедерлі төменгі бампері сенімділік пен стилін айшықтап көрсетеді.
Келісті сыртқы дизайнының астарында көркем динамикалық стильдегі кең салон жасырылған. Пилоттың кабинасына ұқсайтын жүргізуші орындығының ойластырылған орындығы автокөлік салонына айқын бейне береді. Екінші қатардағы жолаушылар үшін аяқ астындағы ұлғайтылған кеңістіктің, орындықтың электр жетекпен реттеуінің және массаждың арқасында жайлылық қамтамасыз етілген.
Инновациялық жаңалықтар арасында – соңғы буынды белсенді түрде шу басу жүйесі. Шуды әрбір дөңгелек аркасына кіріктірілген датчиктер анықтайды. Цифрлық процессорлар салондағы және бассүйегіштердегі динамиктердің көмегімен қажетсіз шуды жоюы керек дыбыстарды есептеп отырады.
Тып-тыныш атмосферамен я болмаса музыкамен рақаттануға болады, мұндай атмосфераны ең үздік автокөлік аудиожүйелерінің бірі – Meridian Signature Reference ұсынады. 29 динамик, сабвуфер және қуаты 1430 Вт күшейткіштің арқасында музыка жоғары сапада ойнатылып, төрт жолаушының әрқайсысы үшін дербес дыбыс ортасы жасалады.
Тағы бір артықшылығы – салондағы ауаны тазалайтын Pro жүйесі. Сүзу процесі мен заманауи технологиялар жағымсыз иістерді, бактериялар мен аллергендерді, сондай-ақ вирустарды жоюға көмектессе, көмірқышқыл газының деңгейін бақылау жүйесі жүргізуші мен жолаушылардың хал-жайын жақсартады. Жүйені қашықтан басқаруға болады, осылайша, сапарға шығар алдында салонға таза ауа толтыруға мүмкіндік туады.
Жоғары жылдамдықты сүйетіндер үшін руль бұру жүйесі көмектеседі, ол артқы дөңгелектерді алдыңғы дөңгелектердің бағытында 7,3 градусқа бұруды қамтамасыз етіп, жаңа Range Rover Sport-тың тұрақтылығын біршама арттырады.
Тағы бір жаңалық – күндізгі жүріс жарықтарымен жиектелген бас жарықтың цифрлық жарықдиодты фаралары түнде 500 м дейінгі тамаша көріністі қамтамасыз етеді. Әр фарада 1,3 миллион цифрлық микроайналары бар, осының арқасында жарық сәулесі нысандарды қамтып, жарықтандыруды оңтайландырады және жол қозғалысының басқа қатысушыларының көзін барынша қарықтырмауға көмектеседі.
Автокөліктің құны 85 млн теңгеден басталады. Range Rover Sport алдын ала тапсырыс бойынша қолжетімді және Алматы мен Астана қалаларындағы Jaguar Land Rover дилерлік орталықтарында бар.
Модель туралы толығырақ білу және тест-драйвқа жазылу үшін сайтты қараңыз.
