Қазақстандық диджей әрі музыкалық продюсер Иманбек Зейкеновтың «Roses» трегіне жасаған ремиксы әлі де актуалдылығын жоғалтпақ емес. Өнерпазға «Грэмми» статуэткасын сыйлаған композиция әлем бойынша 5 миллиард рет тыңдалып, өзінің рекордын жаңартты. Мұндай көрсеткіш бұған дейін отандық музыка саласының нарығында әлі күнге дейін болмаған.
Дәл осы өңделген ремикс американдық рэпер SAINt JHN-нің «Roses» 2019 жылы жарыққа шығып, қысқа мерзімде әлеуметтік желілерде танымал болды, ал TikTok-та бірден «вирусқа» айналды. 2020 жылдың желтоқсанында композиция Spotify-дің әлем бойынша тыңдармандары арасындағы ең танымал 5 тректің қатарына да енді. YouTube платформасында 4 жылдың ішінде 341 миллион қаралым жинаған.
Автор. Гүлдана Мұқан. Источник заглавного фото. Instagram @aidanaabp
