Қазақстан Тянь-Шань мен Батыс Алтай сияқты көрікті таулы аймақтарымен әйгілі. Алайда жан тыныштығы мен жүректегі жаңа көкжиектерге деген сағыныш өзге елдерге де жетелейтін кездер болады. Ондай сәтте қайда барған жөн? Төмендегі жол сілтемені оқыңыз! Ескерту: мақалада айтылған локациялар сізді қыста да, жазда да таңғажайып көріністерімен тәнті етеді.
Альп таулары
Егер сіз Альп тауларын ұнатсаңыз, Австриядағы жаңарып жатқан курорттық қалаларға назар аударғаныңыз жөн. XIX ғасырда денсаулықты қалпына келтіруге арналған орын ретінде танымал болған тарихи Бад-Гаштайн бүгінде қайта гүлденіп, онда сәнді қонақ үйлер ашылып жатыр. Мысалы, 1960-жылдар стиліндегі The Cōmodo және толығымен жаңартылған Straubinger Grand Hotel.
Швейцариядағы Берн Альпісінде орналасқан Венген ауылында Grand Hotel Belvedere қонақ үйі қайта жөндеуден кейін есігін айқара ашқан еді. Бұл жерге келушілер таулар арқылы өтетін теміржолмен жеткізіледі.
Көршілес Адельбоден коммунасынан 22 нөмірден тұратын шағын The Brecon қонақ үйіне тоқталсаңыз болады. Ғимарат дәстүрлі шале стилінде жасалып, талғаммен безендірілген.
Исландия
Керлингарфьель жанартаулы жотасы басқа планеталық пейзаждарымен танымал. Мұнда Highland Base Kerlingarfjöll экокешені орналасқан: жайлы шале үйлер, A-санатындағы коттедждер мен 28 бөлмесі бар заманауи ғимарат. Алайда ең басты ерекшелік – жаз мезгілінде ашық болатын Highland Baths атты ыстық әрі емдік қасиеті бар бассейндер.
Қытайдың оңтүстік-батысы
Ежелгі Шай жолы бойында, өзендер мен тау асулары арқылы өтетін тарихи бағытта, Lux* компаниясының дүкен-қонақ үйлері орналасқан. Мысалы, Янцзы өзенінің жағасындағы Benzilan ауылындағы тибет стиліндегі сәнді үй. Мұндағы әрбір қадам – аймақтың тарихы мен мәдениетіне терең бойлау болып саналады.
Harper’s BAZAAR ұсынған мақаланың түпнұсқасын мына сілтеме арқылы оқи аласыз.
Автор. Жанель Муканова. Аударған. Қорлан Тұрсынбекова. Источник заглавного фото. Getty Images. Автор. Emil Muench.
