Next Designer Award Empowered by Visa жас дизайнерлерінің финалистері Harper's BAZAAR Kazakhstan көзімен.
Фото: ДАНИЛА РЕБРО DANILA REBRO
Стиль и арт-дирекшен: КАРИНА УТЕГЕНОВА CARINE UTEGENOVA
NODIRA DADAJONOVA (KOINOT)
Next Designer Award-тың басты жүлдесін Central Saint Martins түлегі Нодира Дадажонова Koinot коллекциясымен алды — ғарышты, шексіздікті және матаның пластикасын кутюрлік тұрғыдан зерделейтін жоба. Оның тәсілі жоғары мода, мүсін және эксперименттік дизайн тоғысқан нүктеде тұр: Нодира күрделі архитектуралық силуэттермен, көлемдермен және формамен жұмыс істеп, киімді дербес арт-нысанға айналдырады. Әдісінің өзегінде — материалмен үздіксіз эксперимент: маталарды қолмен бояйды, соның ішінде кофені пайдаланып, күрделі реңктерге қол жеткізеді.
SULTANIYA MARKABAEVA («ОЯНУ. ГҮЛ КҮШІ»)
Султанияның стилі заманауи минимализм, нәзік театрлықтық және татардың қолданбалы өнерін жаңа қырынан ұштастыруға негізделген. Мұндағы гүлді аппликациялар мен кестелер жай сәндік элемент емес, отбасылық жадының тасымалдаушысы — олар әжелер өсірген гүлдерге және бірнеше буынның қол еңбегіне сілтеме жасайды. Сонымен бірге дәстүрлі татар киімі тура реконструкциядан гөрі деталь мен интонация арқылы танылады, ал бүкіл коллекция жоғалтудың нәзік күйінен әйел күшін және ұрпақ жалғастығын сезінуге қарай қозғалады.
Мұндағы гүлді аппликациялар мен кестелер жай сәндік элемент емес, отбасылық жадының тасымалдаушысы.
ASSEM ABAY (OVER)
Деконструкция, мүсіндік крой және эксперименттік материалдардың тоғысымен жұмыс істейді. Оның коллекциясының өзегінде — Михаил Врубельдің «Отырған Демон» бейнесі, соның арқылы дизайнер overthinking күйін — ішкі кернеуді, күмәнді және шамадан тыс жүктемені зерттейді. Күрделі фактуралар, көлемді жағалар және ығысқан конструкциялар бұл күйлерді физикалық формаға айналдырып, бір мезетте ауырлық пен қозғалыс сезімін туғызады. Нәтижесінде киім ішкі әлемнің визуалды тіліне айналып, ой хаосы анық, архитектуралық пішінге ие болады.
Assem Abay коллекциясының өзегінде — Михаил Врубельдің «Отырған Демон» бейнесі.
МОДЕЛЬДЕР: SAKINARI, VANESSA KAN @ CASSIS MODEL MANAGEMENT; ВИЗАЖ ЖӘНЕ ШАШ: ДАРЬЯ МУХИНА; ФОТОГРАФ КӨМЕКШІСІ: ЯРОСЛАВ АРЕФЬЕВ; СТИЛИСТ КӨМЕКШІСІ: МАРГО СОЛНЦЕВА.
