Сән индустриясына қызығатындар үшін тамаша жаңалығымыз бар. Harper’s BAZAAR Kazakhstan Алматыдағы Picnic by Partners шарасында ерекше стиль иелерін іздемек. Күні бойы кәсіби фотографтар өз образымен батыл тәжірибе жасаған, қызықты аксессуарлар таңдаған немесе ұлттық нақышты заманауи стильмен үйлестіре білген қонақтарды объективке түсіретін болады. Камера назарына көпшіліктің арасынан дараланып, сәнге өзіндік көзқарасын көрсете алған жандар ілігеді. Ең әсерлі әрі концептуалды образдар, сондай-ақ трендтерді дәл тапқан стильді шешімдер Harper’s BAZAAR Kazakhstan сайтының дәстүрлі street style шолуынан орын алады.
Сондықтан қиялыңызға ерік беріп, даралығыңызды көрсетуден қорықпаңыз. Аутентті элементтерге, ерекше пішімдерге және жарқын акценттерге басымдық беріңіз. Осы сенбіде Almaty Resort-та өзіңіздің ең үздік образыңызбен күтеміз! Ал шара билеттерін сілтеме арқылы сатып ала аласыз.
Автор. Жанель Муканова. Аударған. Гүлдана Мұқан.
