Отандағы AIGUL KASSYMOVA брендінің негізін қалаушы әрі дизайнері – шабыт көздері туралы.
Фото: ЛИЯ ВАЙС LIYA VAIS
Стиль: РАМИНА МАРАТ RAMINA MARAT
Бала күнімде мен балмұздақ сатуды армандайтынмын – орап салып беру, өлшеп беру. Балабақшадан қайтатын жолда әрдайым кезек болатын бір дүңгіршек тұратын. Ал сатушы әйел маған ең бір керемет, ең басты адам болып көрінетін.
Мен алғаш рет сәннің жай ғана кәсіп емес, әлеммен сөйлесуімнің тәсілі екенін адамдардың ойым мен көзқарасымды киім арқылы «оқып» отырғанын көргенде түсіндім. Клиенттеріме қарадым, олардың пікірлерін тыңдадым – және бірте-бірте ұқтым: олар мен киім арқылы жеткізгім келетінді расынан сезінеді. Бұл мен үшін менің визуалды тілімнің жұмыс істейтінінің дәлелі болды.
Махаббат – бұл өзің жақсы көргенді тұтасымен қабылдау. Тек артықшылықтары үшін ғана емес, оның кемшіліктері мен ерекшеліктерімен қоса. Бұл саған қымбат жанға қамқорлық жасау, күш салу, қолдау, көмектесу әрі бірге жақсара түсу ниеті. Және бұл міндетті түрде тек адамдар туралы емес. Бұл отбасы, ел, өз ісің, өнер, кәсібе туралы болуы мүмкін – яғни энергияңды, жүрегіңді, назарыңды салғың келетіннің бәрі туралы. Ал егер қарым-қатынас жайлы айтсақ, мұнда бұл бір-біріңе ғана емес, бір бағытқа қарау туралы да: ортақ құндылықтарды бөлісу және екеуің бірігіп әрқайсыңнан да үлкен бірдеңе жасау.
Менің басты гилти плежерім – аффогато – үстіне ыстық эспрессо құйылатын балмұздақ десерті. Кейде бойымды балмұздаққа деген ессіз құмарлық басады: байқасам, балалық арманым әлі қасымда жүр екен.
БРЕНД ТУРАЛЫ ФАКТІЛЕР
1. КҮШТІ ЖАҚТАРЫ
Тәжірибе (Айгүл Қасымова өзінің мода индустриясындағы жолын 1997 жылы бастады), шеберлік, әйелді түсіну және өзінің бірегейлігін жоғалтпай өзгеру қабілеті.
2 ӨЗІНЕ СЕНІМДІЛІК
AIGUL KASSYMOVA ұраны – «бақытқа бөлеу». Айгүлдің өзі түсіндіргендей, киімнің арқасында әйел өзгеріп шыға келеді: «Оның көздері жылтырай бастайды, еңсесін тіктейді, жарқырап, өзіне де, сұлулығына да сенімді бола түседі. Ол мүлде басқа күйде жаңа қадам жасайды – мен үшін міне, осы «бақытқа бөлеу».
3. ТАЛИСМАН СИЯҚТЫ ЛОГОТИП
AIGUL KASSYMOVA үшін инелік – трансформацияның, еркіндіктің және ішкі күштің символы: ол айналасындағы әлеммен бірге өзгерсе де, табиғатын сақтайды. Оның жеңіл, тіпті салмақсыз қанаттары таңғаларлық қуатты жасырады – дәл сол сияқты, AIGUL KASSYMOVA киімдеріндегі сыртқы жеңілдік ішкі беріктікпен үйлеседі.
Менің телефонымның тұтқасында бір тұрақты сурет жоқ. Ол ара-тұра ауысып тұрады, ал көбіне өзімнің «қалаулыларымды» – іске асыруды қалайтын, бірақ бірте-бірте ұмытып кетуім мүмкін заттар, орындар немесе идеяларды қоямын. Сол себепті әр жолы сол сурет маған оларды қайта еске салады.
Басты кеңес, мен алған: адамдарға өзіңе қалай қарағанын қаласаң, солай қарым-қатынас жасау керек.
Мүлдем күтпеген жерден он бес жыл бұрын менде пілдерді жинау басталып кетті. Бәрі бояу керек болған бір пілден басталды. Оны мен Амстердамда бір қайырымдылық жәрмеңкесінен сатып алғанмын. Сол алғашқы қызғылт пілдің арқасында олар қазір маған әртүрлі жолмен келе береді, келе береді.
Егер менде суперқабілет бола алса, мен уақытты соза білуді қалар едім. Тәулікте 24 емес, білмеймін, 76 сағат болса деймін.
Мен тауға баруды қатты ұнатамын және жалпы таулардың өзін өте жақсы көремін. Олар өмірдің өзара өткіншілігі мен ақыры туралы – әрі біздің мәселелеріміз жайлы да еске салады. Тауға келгенде ойлайсың: «Құдай-ау, қандай әдемі, қандай еңселі. Олар ғасырлар бойы осы жерде тұр. Сен болмадың – олар тұрды. Сен болмасаң да – бәрібір тұра береді». Сосын айналадағының бәрінің маңызы кәдімгідей төмендейді. Күнде сондай үлкен көрінетін сұрақтар мен мәселелердің шынында онша маңызды емес екенін түсінесің. Бұл бір жағынан есті жиып, айықтырып жібереді, ал екінші жағынан көтеріңкі күй сыйлап, жанды толтырады. Ал тау кеңістігінің ауқымы ішкі кеңдігіңді де қатты ұлғайтады – шабыттандырады әрі өмірді мүлде басқаша сезіндіреді.
Сұлулық – бұл үйлесім. Мен үшін ең алдымен солай.
Соңғы уақыттағы ең таңғаларлығы – спорттық жарысқа қатысуға шақырту. Мен қайда, спорттық жарыс қайда? Бірақ маған бәрі ойдағыдай болады деді. Міне, үшінші күн осыны ойлап жүрмін.
Менің ең күтпеген Instagram-жазылымым – дача туралы.
AIGUL KASSYMOVA өнімдерінің ішінде мен ең жиі киетінім әртүрлі нұсқадағы пиджактар.
Мен сәнді ұлттық және ұлттық емес деп бөлмеймін. Меніңше, жалпы сән бар, ал белгілі бір мәдениетте өскен адам, қаласа да, қаламаса да, бәрібір өзінде бір ұлттық кодты алып жүреді. Мен мұны ең алдымен өзін-өзі білдіру деп қабылдаймын. Иә, кей сәтте ұлттық код шектеуге айналуы мүмкін, ал кей сәтте, керісінше, үлкен шабыт көзіне айналады. Мысалы, мен ұлттық элементтерді үнемі пайдаланбаймын, бірақ дерлік әр коллекцияға мәдениетімізбен байланысты өзімнің бірдеңемді қосамын. Және бұл белгілі бір артықшылық беріп, әр коллекцияны көпқабатты әрі танымал ете түседі деп ойлаймын.
КИІМ, БАРЛЫҒЫ AIGUL KASSYMOVA. МОДЕЛЬ: КАРИНА МАМЕКОВА @YOURMODELAGENCY; ШАШ: ИРИНА СЕРГЕЙЧУК; МАКИЯЖ: КАТЯ ВНУКОВА.
