Жұбыңызбен берік қарым-қатынас орнату ол қиынның қиыны. Бірақ ол тек тынымсыз өзара жұмыстың арқасында ғана мүмкін болады. Өйткені, сіз туралы ғана емес, басқа адам туралы да сөз болғанда, оның пікірімен, мүдделерімен, тілектерімен, мақсаттарымен санасу керек. Британдық психотерапевт, психотренер, халықаралық бестселлер авторы – Эми Морин романтикалық қарым қатынастар химия, жыныстық үйлесімділік, адалдық, өзара қамқорлық және бір-бірімен тілдесу арқылы өркендейді деп есептейді. Екеудің арасында шиеленіс туындамас үшін, қыңыр мінез танытудың да керегі жоқ. Ол манипуляциядан, тұрақты қанағаттанбаудан, сирек қарым-қатынастан және серіктестің сезімін елемеуден тұрады.
Сарапшылардың пікірінше, психологиялық тұрғыдан мықты жұптар өздерінің ең жақсы қасиеттерін көрсететін өзін-өзі қамтамасыз ететін екі жеке тұлғадан тұрады. Оларға уақыттарын пайдасыз тәжірибелер мен жекпе-жектерге жұмсаудың қажеті жоқ. Сонымен, сарапшылардың бақылауына сәйкес, берік қарым-қатынасты қалай құру және сақтау туралы 13 кеңес.
Ұпай санамаңыз
Жақсы қарым-қатынасы сақталған ерлі-зайыптылар қайсысының көбірек іс тындырғандығын есептемейді. Ыдыс жуу кезегі кімде деп уайымдамайды, біреудің біреуге қарызы бар екендігін сөз қылмайды. Оны олар күнделікті тірлік ретінде қабылдап, назар аудармайды.
Жарыспау қажет
Мықты жұптар бір-біріне қолдау көрсетіп, серіктесінен асып түсуге тырыспайды. Олар жетістіктерімен бөлісіп, бір-бірін бәсекелес емес, бір команда екендігін жақсы біледі.
Ашуды ысырып қойыңыз
Мәселелерді ашумен емес, махаббатпен шешіңіз. Психологиялық тұрғыдан мықты жұптар дау-дамай туындағанда, ешқашан бір-біріне талап қоюға, қорлауға дейін бармайды. Олар бір-бірін ренжіту, жағымсыз эмоциялар, проблемалар немесе мінез-құлық үшін кінәламайды. Керісінше, өз ойлары, сезімдері мен әрекеттері үшін жауапкершілік алады.
Эмоцияны бақылау
Араларыңызда дау туындаса, терең дем алып, тынышталыңыз. Психологиялық тұрақты жұптар эмоционалды интелектуалды болып келеді. Олар жалғыздық, ашу және қайғы сияқты жағымсыз сезімдермен күресу үшін жақсы дағдыларды пайдаланады. Олар ыңғайсыздықты өздерінің емделу процесінің бөлігі ретінде қабылдайды, сондай-ақ олардың сезімдері оларға зиян тигізген кезде өздерінің эмоционалдық күйлерін өзгерте алатынын түсінеді. Сіз өзіңіздің ішкі тыныштығыңызды сақтауыңыз керек.
Манипулияцияға жол бермеңіз
Шын сүйетін адам серіктесін алдамайды. Ол бірдеңе жасауға немесе өзін кінәлі сезінуге тырысу үшін пассивті-агрессивті тактиканы қолданбайды. Жақсы қарым-қатынасы сақталғандар өздерінің проблемалары мен ойлары туралы ашық айтады.
Кек сақтамаңыз
Мықты қарым-қатынас жасау үшін бұрынғы проблемаларыңызбен жұмыс істеу керек. Сіз кез келген қарым-қатынаста, тіпті ең идеалды болса да, сізге зиян тигізетінін нәрселерге дайын болуыңыз керек. Ешкім қателіктер мен келеңсіздіктерден қорғалмаған. Сондықтан кешірім сұрай білу, кешіре білу, реніштен арыла білу керек. Серіктесіңізге кек сақтап, оны жазалауға тырыспаңыз. Мұндай мінез-құлық ешкімге пайда әкелген емес.
Жұбыңызды дұрыс қабылдауды үйреніңіз
Әріптесіңіздің күшті және әлсіз жақтарын бағалаңыз. Дұрыс құрылған қарым қатынаста әрқайсыңыз өзіңізді бақытты сезінуіңіз керек. Сүйікті адамыңыздың сіз үшін істегені үшін ғана емес, оның қандай адам болғаны үшін де ризашылық білдірген жөн.
Сезімге ерік беріңіз
Сезімтал болыңыз. Тіпті ең тұрақты және күшті жұптар бір-бірінің сезімін әрдайым түсіне бермейді. Бірақ мұндай жағдайларда да эмоцияларды ешқашан елемеуге болмайды. Сіз өзіңіздің серіктесіңізді түсінсеңіз де, түсінбесеңіз де, олардың сезімдеріне құқығы бар екенін мойындауыңыз керек.
Бір-біріңізді жамандамаңыздар
Өз-өзін бағалайтын жұптар достарына немесе отбасы мүшелеріне серіктестері туралы айтып шағымданбайды. Бір-бірінің сырын ашпайды, өзін-өзі бағалауына нұқсан келтірмейді. Әрине, сіз кез келген мәселенің шешімін іздеуде адамдардан кеңес ала аласыз. Дегенмен, ешбір жағдайда өзіңіздің сүйікті адамыңызды бейтаныс адамдармен талқыламаңыз.
Ашық әрі шыншыл болыңыз
Ерлі-зайыптылардың ешқандай құпиясы болмауы керек. Әрине, бұл тосын туған күн кеші немесе басқа тосын сый болмаса. Бір-біріңізге жеке өмір сүруге рұқсат етіңіз, бірақ қарым-қатынасыңызға зиян тигізетін нәрселерді жасырмаңыз.
Серігіңізді өзгертуге тырыспаңыз
Жұбыңызды сол күйінде қабылдауды үйреніңіз. Сіздің қарым қатынасыңыздағы кейбір мәселелер мен серігіңіздің мінез-құлқы сізді алаңдатуы мүмкін. Кемсітудің орнына, басқа нәрселерге назар аударған дұрыс.
Бір-біріңізге еркіндік сыйлаңыз
Сіздің сүйікті адамыңыздың өз хоббиі болуы мүмкін екенін түсінуіңіз керек. Серігіңізді өзіңізге бағынышты етуге тырыспаңыз. Қарым қатынаста әр адамның өзіне ұнайтын нәрсені жасайтын өз кеңістігі болуы керек. Жұбыңыз еркіндікке ие болатынына және мықты қарым қатынасты сақтай отырып, жеке өсу мен дамуға ұмтылатынына сенімді болуы керек.
Ортақ мақсаттар мен құндылықтарды анықтаңыз
Әдетте, мықты жұптардың ортақ құндылықтары мен ұзақ мерзімді мақсаттары болады. Өйткені, қол ұстасып бір бағытқа ғана ұмтылатын адамдар жақсы қарым қатынасты сақтай алады. Екеуіңізге ортақ басымдықтар, сіздер үшін ғана маңызды болуы керек: отбасы, мансап, әлеуметтік танымалдылық және т.б.
Өз-өзін дамыту қажет
Сіз серігіңізбенбірлесіп ортақ әдеттерді дамыту үшін жұмыс істей аласыз. Осылайша сіз жұбыңызды да солай етуге шабыттандыра аласыз. Сөйтіп, уақыт, күш-қуат пен қаржыны өзіңізді дамытуға жұмсайсыз.
Автор. Harper’s BAZAAR Kazakhstan. Фото. Shutterstock.com.
