Джон Кеннеди кіші мен Кэролин Бессетт туралы жаңа сериал үлкен резонанс тудырды. Тіпті финалының қасіретті болары алдын ала белгілі болса да, көрермен жаңа эпизодтарды асыға күтті (әлі де күтеді). Ал финалға дейін бар-жоғы 2 эпизод қалғандықтан, «Махаббат тарихы» шоуына ұқсас жобаларды ұсынамыз — басқа кейіпкерлердің драмаларына үңіліп көріңіз. Айтпақшы, іріктемеден сериалдарды да, фильмдерді де табасыз.
«Бонни мен Клайд» (1967)
Ұлы күйзеліс дәуіріндегі Америка — мүмкіндік жоққа тән, бірақ кедейліктен құтылуға деген айрықша құмарлық бар кеңістік. Дәл осы заманда кездеседі Бонни Паркер мен Клайд Бэрроу — өзге өмірді армандаған қыз және заң шекарасынан әлдеқашан аттап кеткен ер адам.
Олардың одағы тез арада жай ғана романнан өсіп шығып, батыл түрде жүйеге қарсылыққа айналады. Олар банктерді тонайды, полициядан сытылып құтылады, газет беттерінің кейіпкері, өз дәуірінің дерлік аңыздарына айналады. Оларға серіктер қосылады, ал оқиға барған сайын қауіпке толы шытырманға ұқсап, тәуекел өмір салтына айналады. Алайда қашпас жаза олардың ізіне көлеңкедей түседі.
«Шектен шығу» (2005)
Осы Джонни Кэш туралы хикая — өмір бойы жарық пен қараңғылықтың арасында теңселген адамның портреті. Қайғымен көлеңкеленген балалық шағы оның жанында жарықшақ қалдырып, оны музыкамен, табыспен және өз-өзінен қашумен толтырмақ болады.
Даңқ тез келеді: концерттер, мойындалу, көрерменнің сүйіспеншілігі. Бірақ сахна сыртында басқа шындық өрбиді — тәуелділік, ішкі дағдарыс және жеке өмірдің біртіндеп күйреуі. Осы хаоста ол пайда болады — Джун Картер.
Олардың қарым-қатынасы — күрделі, кедір-бұдыр, бірақ дәл сол қатынас тірекке айналады. Джун Кэшті классикалық мағынада құтқарып қалмайды, алайда оған өз бетімен шығуға мүмкіндік береді. Иә, бұл екі кейіпкер шынайы өмірде болған.
«Присцилла: Элвис және мен» (2023)
Присцилла танысады Элвис Преслимен жасөспірім шағында. Ол әлдеқашан әлемдік даңққа жеткен, ал өзі — әлі өзін енді ғана тани бастаған жасөспірім.
Әуелде бәрі ертегі секілді көрінеді: ықылас, сән-салтанат, өз дәуірінің ең көп қалаған ерімен қатар өмір сүру. Бірақ уақыт өте жылтыр әлемнің түсі қашады. Жабық есіктің ар жағында жалғыздық, бақылау және өзінің жеке болмысы өзгенің аңызына сіңіп бара жатқандай сезім қалады.
Бұл — ауырлау болса да, қажет есейю хикаясы. Присцилла ғашық қыздан «алтын тордан» шығуға тәуекел ететін әйелге дейінгі жолдан өтеді. Ал осы таңдауы — оның ең басты жеңісі.
«Джеки» (2016)
Егер Кеннеди әулетінің тарихы сізге қызық болса, онда өз дәуірінің ең әйгілі әйелдерінің бірі, салон шежірелерінің кейіпкері әрі сән заңын қалыптастырған — Жаклинмен жақынырақ танысуды ұсынамыз.
После убийства АҚШ-тың 35-президенті қастандықпен өлтірілгеннен кейін, Бірінші ханым қасіретпен — және бүкіл әлем алдында жүзін сақтап қалу қажеттігімен — бетпе-бет қалады.
Фильм естеліктер мозаикасы секілді өрбиді: Далластағы қасірет, Вашингтонға оралу, жерлеуге дайындық, енді ештеңені өзгерте алмайтын әңгімелер. Бірақ орталықта — оқиға емес, дәл өзі.
«Кеннеди әулеті» (2011)
Міне тағы бір әйгілі саяси династия туралы хикая. Сериал Кеннеди отбасын дәл сол сәтте баяндайды, ол кезде Джон АҚШ президенті болады.
Мұнда тек саясат емес, отбасындағы жағдай да көрсетіледі: туғандардың қарым-қатынасы, қоғам қысымы және олардың үмітке сай болуы. Үлкен рөл атқаратын әке — Джозеф Кеннеди, ол балаларының тағдырын бақылауда ұстауға тырысады.
«Фосси/Вердон» (2019)
Оқиғаның өзегінде — хореограф Боб Фосси мен биші Гвен Вердон арасындағы қарым-қатынас. Сюжет олардың өмірінің бірнеше онжылдығын қамтиды — танысудан бастап Бродвей мен кинодағы ортақ триумфтарына дейін.
Фосси — дарынды, бірақ іштей қайшылығы мол, өзін-өзі құрдымға кетіруге бейім адам. Вердон өз кезегінде тек сахнадағы серіктесі ғана емес, маңызды шығармашылық тірек. Белгілі қойылымдар қалай дүниеге келді, қандай ымыраларға баруға тура келді және табыс үшін қандай құн төледі? Соның бәрі экранда.
«Тәж» (2016 – 2023)
Бұл — британ корольдік әулетінің өмірі туралы ауқымды драмалық шоу, оның ортасында — ІІ Елизавета.
Сюжет оның жастай таққа отыруынан басталады. Жаңа рөл кейіпкерден ел алдындағы борыш үшін жеке қалауларынан бас тартуды талап етеді. Әр маусым патшайымның билігінің белгілі бір кезеңін қамтып, маңызды тарихи оқиғаларды және олардың монархияға әсерін көрсетеді.
Параллель түрде отбасы ішіндегі қарым-қатынастар да ашылады: некесі ханзада Филипппен, әпкесі Маргаретпен күрделі байланыстар, ал кейін — балаларының тағдырлары, олардың ішінде ханзада Чарльз және оның ханшайым Дианамен қарым-қатынасы.
«Джордж және Тэмми» (2022 – 2023)
Сюжет кантри музыкасының екі аңызы — Джордж Джонс пен Тэмми Уайнетт арасындағы қарым-қатынасқа арналған. Олар ғашық болады, бірге өнер көрсетеді және танымалдыққа ие болады. Бірақ даңқ өскен сайын қарым-қатынаста қиындықтар да ұлғаяды: Джонстың тәуелділігі, эмоционалдық тұрақсыздық және индустрия қысымы. Бұл дағдарыстарды қалай еңсергендерін білесіз.
Автор. Жанель Муканова. Аударған. Гүлдана Мұқан.
