Музыка мен сұлулық әлеміндегі ең сүйікті жұптардың бірі — «Ninety One» тобының рэпері ZAQ пен оның жары, продюсер әрі креативті стилист Жадыра Абдулжаппарова — қыздары Айриннің 1 жасқа толуына арналған тұсаукесерін атап өтті.
Кішкентай ханшайымның өміріндегі алғашқы маңызды қадам ата-анасының махаббаты мен жақындарының жылы тілегіне толы кешке айналды. Той жайлы фотолар мен бейнежазбалардан нәзік детальдарға мән берілгені байқалады — гүлдер, ақ түстер мен жеңіл атмосфера.
Айрин тұсаукесер рәсімінде кітап таңдаған, бұл — болашақта білім мен ізденісті бағалайтын жан болатынының символы. ZAQ пен Жадыраның отбасылық сәттері әрдайым шынайылық пен стильдің үйлесімін көрсетіп келеді.
