«Махаббаттың америкалық хикаясы» телехикаясының танымалдығы артқан сайын, Кэролин Бессетт-Кеннедидің стиліне деген қызығушылық та еселеп өсті. Бүгінде оның әрбір образы сән әлемінде жіті талданып, ерекше назарға ілігіп отыр. Соның ішінде марқұм fashion icon жиі таққан 90-жылдар стиліндегі сағаттар да қайтадан көпшіліктің назарын өзіне аударды. Алайда шын мәнінде, бұл модельдер ешқашан сәннен шыққан емес. Талғамы жоғары, мінсіз әрі ұстамды стильді ұстанған Calvin Klein-нің бұрынғы қызметкері зергерлік бұйымдар мен қымбат әшекейлерден гөрі, дәл осындай элегантты әрі лаконикалық сағаттарды таңдаған. Бүгінде де бұл үлгілер гардеробқа жасалатын ең ұтымды fashion-инвестициялардың бірі саналады. Металл корпусы мен былғары бауы бар классикалық сағаттар кез келген образбен үйлесіп, стильге нәзік акцент қосады. Мұны Жаклин Кеннеди де жақсы білген: ол мұндай модельдерді ұлының жары Кэролиннен әлдеқайда бұрын-ақ таңдаған. Егер сіз де өз коллекцияңызға 90-жылдар эстетикасындағы сағаттарды қосуды жоспарлап жүрсеңіз, Harper’s BAZAAR Kazakhstan назар аударуға тұрарлық ең үздік модельдерді ұсынады.