Шынын айту керек, кейде k-beauty әлеміндегі барлық жаңалықты бақылап үлгеру өте қиын. Әдемі әрі сау теріні жақсы көретін жандардың көбінің сөресінде кореялық косметика бар екені анық. Бірақ олардың қайсысы шынымен назар аударуға тұрарлық екенін қалай білуге болады?

Азиялық beauty-нарықта үнемі жаңа инновациялық өнімдер мен ерекше компоненттер пайда болып жатады, ал олардың арасынан сапалысын таңдау оңай емес. Сондықтан Harper’s BAZAAR Kazakhstan редакциясы ең үздік өнімдерді бір материалға жинады. Біздің гидке кремдер, ерінге арналған бальзамдар, шашқа арналған майлар, санскриндер, тазартқыш құралдар, патчтар, хош иістер мен маскалар енді.

Бьюти-индустриядағы бәсекелестік өте жоғары екенімен келісеміз. Сол себепті брендтер тек сапаны сақтап қана қоймай, өнім құрамына тиімді белсенді компоненттерді енгізуге тырысады. Тізімдегі кейбір кореялық косметикалық өнімдер әлдеқашан бестселлерге айналған: оларды әлем бойынша қолданушылар да (арасында жұлдыздар да бар), сарапшылар да жоғары бағалайды. Басты фавориттерді төменде ұсынамыз.