Жаңа түрік телехикаялары қызықты сюжет желісімен және көрермен көзайымына айналған сүйікті актерлермен қуантатыны анық. Күнделікті күйбең тіршіліктен шаршағанда, кешкесін үйге келіп, кейіпкерлердің драмаға толы хикаяларына үңілуді кім ұнатпайды? Шытырманға толы оқиғалар мен ерекше сезімге толы махаббатты ұнататын жандар үшін біз осы жылдың кино жаңалықтарымен таныстыратын боламыз.
«Менің күнім»
Фото. Instagram. @thebursin/@hafsanur.sancaktutan
Көрерменмендерге «Қарға» және «Толқын» туындыларын сыйға тартқан режиссер Али Билгин, бұл жолы марқұм әкесінің байлығына ие болған Огуз есімді бизнесмен мен алаяқ Лейла жайлы баяндайды. Кейіпкерлердің тағдыры тоғысып, махаббат оты оянады. «Менің күнім» туындысының алғашқы бөлімдерін шілде айында көре аламыз. Басты рөлде: Керем Бюрсин мен Хафсанур Санджактутан.
«Екі бейтаныс»
Фото. Instagram. @burakdeniz/@handemiyy
Ханде Эрчел мен Бурак Дениз түсірілім алаңында тағы кездесті. Бұл жолы басты кейіпкерлер прокурор Лейла мен журналист Кенан кісі өлтіру мәселесін тергеу кезінде жолығады. Қос актерлер «Махаббат сөздерді түсінбейді» сериалының жетістігін қайталай ала ма, жақын арада білетін боламыз.
«Тропиктер»
Фото. Instagram. @sumeyyeaydogan/@canrtopcu
Жаңа түрік сериалдары махаббаттан бөлек оқиғаларды да көрермен назарына ұсынбақ. Мәселен, «Тропиктер» туындысының сюжет желісі 2022 жылы беделді MIPCOM Cannes Diversify TV сыйлығын жеңіп алған «эксклюзивті» шоуға негізделген. Сумей Айдоған «Аспергер» синдромы бар Гульчені ойнайды. Сериал бауырлардың қарым-қатынасы туралы және аурудан емделу мәселесі туралы баяндайды. Жақында біз Джанер Топчқа сериалда қандай рөл бұйырғанын білеміз.
«Мен сені ешкімге бермеймін»
Фото. Instagram. @beyemre/@buseemeraal
Эмре Бей мен Бусе Мерал «Мен сені ешкімге бермеймін» атты жаңа романтикалық сериалда басты рөлдерді сомдады. Режиссері — Али Булги, киногер көрермендерге өткен жылы «Мені тыңда» хит туындысын сыйлаған еді.
«Улы Шырмауық»
Басты кейіпкер Эзги мінсіз өмір сүреді. Бірақ күйеуі оны өлтіретінін білгенде бәрі өзгереді. Жақын жандардың жасырған құпиялары, қорқынышты шындық пен шытырманға толы оқиғалар. Мұның бәрі дәл осы сериалда кездеспек.
Статьяның түпнұсқасын Harper’s BAZAAR Arabia сайтынан оқи аласыздар.
Автор. Harper’s BAZAAR Kazakhstan.
