Кім жетістікке жетуді армандамайды? Жетістік адамның алдындағы көптеген есіктерді ашады: сәтті таныстық, қаржылық тұрақтылық, мойындалу, атақ — мұның бәрі шабыттандырмай қоймайды. Алайда жоғарыға апарар жол әрдайым оңай емес. Кейде қалағанына жету үшін кейіпкерлер өзінің жайлы аймағынан шығып, түрлі қиындықтарды жеңуі керек. Біз психолог Светлана Золотаревамен бірлесіп дайындаған төмендегі фильмдер жетістікке деген ұмтылыс жайлы.
Бұл керемет өмір, 1946
Табысты отбасы иесі әрі компания басшысы өз-өзіне қол жұмсауды ойлай бастағанда, оған періште келеді. Ендігі де кейіпкер өзі болмаған жағдайда жақындарының өмірі қандай болатынына куә болады.
Жылтыр, 1996
Балалық және жастық шағы қаншалықты ауыр болса да, бүкіл әлемге танымал пианист Дэвид Хелфготт өз армандарынан бас тартпайды. Оның даңққа жету жолы қандай болды екен?
Million Dollar Baby, 2004
Қыз баласы мен бокс үйлесе ме? Қоғам бұл спорт түрін әлі де «ерлерге арналған» деп санайды. Бірақ қайсар да мақсатты Мэгги мұндай стереотиптерді тас-талқан етеді.
Періште, 2007
Бас кейіпкер жазушы болуды армандайды. Бірақ ХХ ғасырдың басындағы ағылшын қоғамында биікке жету үшін ол қаншама әлеуметтік тосқауылдардан өтуі керек.
Джули мен Джулия: бақытты рецепт бойынша әзірлейміз, 2009
Екі тағдыр. Екі әйел. Екі дәуір. Бірақ мақсат бір — жетістікке жету. Оларға оңай соқпайтыны анық. Алайда кез келген қиындық оларды тоқтата ма?
Шынайы өмір, 2012
Балық шаруашылығымен айналысатын Лучано танымал реалити-шоуға қатысуды ұйғарғанда, өзі де өзгереді. Бірақ оны шын мәнінде жетістік күтіп тұр ма?
Жұлдыз, 2014
«Мен актриса болғым келеді!» — бұл арман жас қыздың жүрегінде өмір сүреді. Сол жолда оған өзінің сән-салтанатты өмірінен шаршаған жас жігіт кездеседі. Кенеттен тағдыр оларды тоғыстыруды ұйғарады.
Тәуелділік, 2014
Жұлдыз болуды армандаған кейіпкер әйгілі музыка консерваториясына түседі. Енді оны тоқтату мүмкін емес.
Джой, 2015
Ол жай ғана жалғызбасты ана еді. Бірақ қарапайым бір күні елдегі ең табысты кәсіпкер әйелдердің біріне айналуға бел буады.
Шедевр, 2019
Жетістікке жету жолында адамдар кейде ережеге бағынбайды. Мәселен, дәл осы оқиғаның бас кейіпкерлері алаяқтыққа бет бұрады.
Автор. Harper’s BAZAAR Kazakhstan. Аударған. Қорлан Тұрсынбекова. Источник заглавного фото. Shutterstock. Автор. Impact Photography.
