Жақында ғана Торонто кинофестивалінде әлемдік премьерасы өткен қазақстандық «Өмір» фильмі енді «Оскар» сыйлығына ұсынылды, деп хабарлайды Tengrinews.kz.
Үш жылдай түсірілген Эмир Байғазиннің картинасы, кездейсоқ талай оқиғалардың бел ортасына түскен адам (Еркебұлан Тасынов) туралы баяндайды.
«Қазақстанның Оскар комитетінің шешімімен «Оскар» сыйлығының «Шет тілдегі үздік фильм» номинациясына режиссер Эмир Байғазиннің «Өмір» фильмі ұсынылатын болады. Туынды Мәдениет және спорт министрлігінің тапсырысы бойынша Ұлттық киноны қолдау мемлекеттік орталығының көмегімен түсірілген», — делінген хабарламада.
«Оскар» сыйлығына үміткерлердің соңғы тізіміне қазақстандық фильм кіре ме, жоқ па, ол 2023 жылдың 24 қаңтарында белгілі болады.
Автор. Harper’s BAZAAR Kazakhstan. Фото. Shutterstock. Пресс-офис.
