Әр айдағыдай, сәуірде де әрбір зодиак белгісін түрлі жағдайлар күтетіні сөзсіз. Біреулердің жеке өмірінде түбегейлі өзгерістер орын алса, басқалары қаржы мәселелеріне барынша сақ болуы қажет. Өзгелердің мансабы өрге домаласа, кейбіреулерге керісінше, үзіліс алып, өзіне көңіл бөлген дұрысырақ. Жұлдыздар сіз үшін бұл сауалдардың жауаптарын дайындап қойды — сізге тек сәуір айының астрологиялық болжамын оқып, алдағы оқиғаларға дайындалу ғана қалды.
Тоқты
Ішкі жан дүниеңіздегі мәселелерді шешудің уақыты келді. Әлемді өзгертпес бұрын, алдымен ішкі тепе-теңдікті қалпына келтіргеніңіз жөн. Бұл ретте сізге рухани тәжірибелер мен медитация көмектесе алады.
Торпақ
Сәуір айында сіз жаңа адамдармен танысасыз: мейрамханаларда, жұмыс орнында, тіпті басқа қалалар мен елдерде де. Кейбірімен достық қарым-қатынас орнатсаңыз, басқаларымен іскерлік байланыс құра аласыз. Ал кейбірі жүрегіңіздің дүрсілін жиілетпек. Дегенмен қазір мансаптық мүмкіндіктерге көбірек назар аударған жөн.
Егіздер
Бұл айда өзіңізді дамытуға көңіл бөлгеніңіз дұрыс. Көктем — жаңа қарым-қатынас құруға немесе романтикалық оқиғаларға таптырмас мезгіл екені рас. Бірақ сіз үшін табысқа жетудің басты жолы – жұмыс пен өзіңізді жетілдіру. Егер тағдыр мүмкіндік берсе, оны жіберіп алмаңыз.
Шаян
Осы айда біліміңізді арттырудың жолын табасыз. Мүмкін, біліктілікті арттыру курстарына жазыларсыз немесе тіпті екінші жоғары білім алуды ойластырарсыз.
Арыстан
Сіз үшін жағымды жаңалық! Осы айда қаржылық жағдайыңыз жақсарады. Бұл жаңа табыс көздерінің пайда болуымен байланысты болуы мүмкін. Сонымен қатар, қаражат туыстарыңыздан немесе серіктесіңізден келуі де ықтимал.
Бикеш
Соңғы уақытта сүйіктіңізбен араларыңыздағы қарым-қатынасыңызда шиеленіс байқалуы мүмкін. Бұл жағдайда сізді құтқаратын жалғыз жол – ашық әңгіме. Өз сезімдеріңіз бен мәселелеріңізді шынайы түрде бөлісіңіз, конфликтіні шешудің жолдарын бірге талқылаңыз.
Таразы
Өзіңіздегі күш-қуаттың артып келе жатқанын сезіндіңіз бе? Сәуір айы сізге пайдалы әрі еңбекқорлыққа толы уақыт болмақ. Қаңтардан бері бойыңыздағы энергия үнемдеу режимінде болғандай, енді барлық істерде 100 пайызға жетістікке жету мүмкіндігіңіз бар.
Сарышаян
Сіздің ішкі сезімдеріңіз ауада қалықтап жүргендей және сіз мұны айқын сезінесіз. Жақында арманыңыздағы ер адам пайда болып, сізге тамаша комплименттер айтатын болады. Бірақ бұл флиртті шынайы қарым-қатынасқа айналдыру сіздің шешіміңізге байланысты.
Мерген
Назарыңызды үй ішінің жайлылығын арттыруға бағыттаған жөн. 2025 жылдың интерьер трендтеріне сай шаңырағыңызды сәндеңіз немесе үйге жағымды хош иістер сатып алыңыз. Бұл демалуға және қашықтан жұмыс істеуге қолайлы атмосфера қалыптастыруға көмектеседі.
Тауешкі
Сізден көмек сұрайтын адамдар көбейеді. Қол ұшын беруден бас тартпаңыз, өйткені ол адамдар болашақта сізге қажет болуы мүмкін. Достық және іскерлік байланыстарды нығайтыңыз, әлеуметтік қарым-қатынастарды кеңейтіңіз. Себебі алдағы кезеңде барлық істер қарым-қатынасқа байланысты болмақ.
Суқұйғыш
«Тойып секіру» деген бар ғой? Бұл сіздің жағдайыңыз болуы мүмкін: сәуірде бірнеше артық салмақ қосуыңыз ықтимал. Егер дене бітіміңіз бен белсенділік сіз үшін маңызды болса, жаттығу залына жазылуды дәл қазір жоспарлаңыз.
Балықтар
Соңғы уақытта өзіңізге «Өз-өзімді қалай бағалай аламын?» деген сұрақ қойдыңыз ба? Бұл сұрақтың сіз үшін бір ғана жауабы бар — ішкі қалауларыңызды жүзеге асыру. Оны шығармашылық арқылы жүзеге асырған ең дұрыс шешім болмақ.
Автор. Жанель Муканова. Аударған. Гүлдана Мұқан. Фото. Ардақ Сәтбаева.
