Бүгін наурыз айы аяқталып, күні ертең сәуір басталады. Алайда ретроградты планеталардың әсері бітпей қалған істерді аяғына дейін жеткізу керектігін еске салады. Осы күндердің энергиясын дұрыс пайдалану, күтпеген қиындықтардан аулақ болу және сәттілікті өзіңізге тарту үшін төмендегі жұлдыз-жорамалды оқып, тағдырдың кез келген тосын сыйына дайын болыңыз!
Тоқты
Бірден уайымға салуынудың қажеті жоқ, өйткені бұл аптада сізді қатты толғандыратын оқиғалар болмайды. Барлық жоспарларыңыз орындалып, ұсақ-түйек мәселелер оңай шешіледі. Бірақ басшылыққа өзіңіздің тамаша идеяларыңызды ұсынуға асықпаңыз – одан да оны келесі дүйсенбіге қалдырған жөн.
Торпақ
Дәл осы аптада тағдыр сізге оң көзқараспен қарамақ. Бірақ сіз де белгілі бір күш-жігеріңізді салуыңыз керек. Алдын ала белгіленгенді өзгерту мүмкін болмаса да, жағдайды барынша өзіңізге тиімді етіп жасауға болады.
Егіздер
Үлкен жетістіктерге жетуге күш-қуатыңыз жеткілікті, бірақ ең бастысы – артық күш жұмсамай, дұрыс басымдықтарды белгілеу. Біріншіден, бір уақытта екі істі атқаруға тырыспаңыз. Екіншіден, сіз үшін ең маңызды міндеттерді бірінші орындаңыз.
Шаян
Ішкі сезімдеріңізді бақылауда ұстауға тырысыңыз, өйткені сіздің тым шапшаң реакцияңыз жақын адамыңызбен келіспеушілікке әкелуі мүмкін. Эмоцияларыңызға беріліп кетпеңіз және өзіңізді барынша сабырлы ұстауға тырысыңыз.
Арыстан
Өміріңіздегі ретсіздік пен өзгерістер сізді қобалжытса да, олар шын мәнінде жаңа нәрселерді ой елегінен өткізуге көмектеседі. Болып жатқан жағдайды қабылдаңыз және бейберекеттік кезеңінде де сабыр сақтауды үйреніңіз.
Бикеш
Әріптестеріңізбен қарым-қатынаста сыпайы болыңыз және олардың сізге жақсы қарым-қатынасын міндетті нәрсе деп қабылдамаңыз. Жақсылыққа жақсылықпен жауап беріңіз. Бірақ қызметтік романдарға араласпаңыз – олардың соңы сіз үшін қолайсыз болуы мүмкін.
Таразы
Кез келген жағдайға әзілмен қараңыз – сонда өмір әлдеқайда жеңіл болады. Қиындықтарды немесе ыңғайсыз жағдайларды сабақ ретінде қабылдаңыз. Әр түрлі тәжірибе, тіпті жағымсыз болса да, бізді жетілдіреді. Айтпақшы, өзгерістер де – прогреске жетелейтін күш.
Сарышаян
Маңызды шешімдер қабылдауға және келісім-шарттарға қол қоюға асықпаңыз. Жұлдыздар бұл аптада басқару процессін жақын адамыңызға немесе сүйіктіңізге тапсыруды ұсынады – олар сіз үшін таңдауды жасасын (әрине, ақылға қонымды болса ғана). Мысалы, бүгін кешкі ас ішетін мейрамхананы сол адам таңдай алады.
Мерген
Ал Мергендер, керісінше, бәрін өз қолына алуы қажет. Кейде басқалардың көмегіне жүгіну ыңғайлы, бірақ кейбір жағдайларда мәселені өз бетіңізше шешкен дұрыс. Осы аптада жұмысқа бар күшіңізді салыңыз, ал демалыс күндерін өз ойларыңызбен жалғыз өткізіңіз.
Тауешкі
Сізді қарбалас күндер күтіп тұр. Бос отыруға уақыт болмайды, өйткені істер өздігінен табылады. Бүгін жұмысыңызбен байланысты тапсырмаларға көңіл бөлсеңіз, ертең отбасыңызға қатысты мәселелерді шешуге тура келеді. Әрине жақындарыңызға да көбірек уақыт бөлуге тырысыңыз, себебі олар сізді сағынып қалды.
Суқұйғыш
Қазір жаңа жобаларды әзірлеуді тоқтата тұрған дұрыс. Оның үстіне, сіздің жолыңызда белгілі бір кедергілер пайда болуы мүмкін, олар сіздің алға жылжуыңызды баяулатады. Бірақ уайымдамаңыз: бұл тек уақытша қиындықтар және сізге тек күту керек.
Балықтар
Адамдармен көбірек араласыңыз және қарым-қатынастан қашпаңыз, тіпті үйден шыққыңыз келмесе де. Алдағы кезеңде іскерлік байланыстар орнату және беделіңізді нығайту өте маңызды. Осы ережені ұстансаңыз, жұлдыздар сізге жетістікке жетуге көмектеседі.
Автор. Жанель Муканова. Аударған. Гүлдана Мұқан. Фото. Мария Карас.
