Қазақстандық кинода триумф! Отандық 3 бірдей фильм «Asia Pacific Screen Awards» премиясында жүлделі болды. Еске сала кетейік, күні кеше Австралияда өткен кинофестиваль Азиялық Оскар саналады.
Топ жарған кинокартиналар арасында Айсұлтан Сейітовтың тырнақалды «Қаш» фильмі бар. Этно-хоррордың таспагері Азамат Дулатов «Үздік операторлық жұмыс» номинациясы бойынша мүсінше жеңіп алды.
![Айсұлтан Сейітовтың фильмі «Азиялық Оскар» иеленді! Отандық тағы қандай туынды шетелде топ жарды?](https://harpersbazaar.kz/wp-content/uploads/2023/11/5500d510319841cd25f6ee534d0616f5.png)
Сондай-ақ, «Братья» толықметрі де арнайы номинацияға ие болды. Ағайындының рөліндегі Әлішер Исмаилов пен Айбар Салы «Үздік жаңа орындаушы» статуэткасын алды.
![Айсұлтан Сейітовтың фильмі «Азиялық Оскар» иеленді! Отандық тағы қандай туынды шетелде топ жарды?](https://harpersbazaar.kz/wp-content/uploads/2023/11/whatsapp-image-2021-12-02-at-11.07.40.jpeg)
«Asia Pacific Screen Awards» шарасында олжалы болған тағы бір қазақстандық туынды — «Бауырына салу» толықметрі. Жетім қалған жасөспірімнің тағдыры көрсетілген драма «Үздік жастар фильмі» мүсіншесіне қол жеткізді.
![Айсұлтан Сейітовтың фильмі «Азиялық Оскар» иеленді! Отандық тағы қандай туынды шетелде топ жарды?](https://harpersbazaar.kz/wp-content/uploads/2023/11/whatsapp-image-2023-11-03-at-16.22.22-1-1.jpeg)
Автор. Harper’s BAZAAR Kazakhstan. Источник заглавного фото: Instagram @aisultan