Шынайы оқиғаларға негізделген мелодрамалар өмірде ғажайыптарға, күтпеген достық пен таза махаббатқа әрдайым орын бар екенін тағы бір рет дәлелдейді. Біздің топтамадағы кейіпкерлер тағдырдың мұндай тосын сыйларынынан бейхабар, десе де өмір — әрдайым болжауға келе бермейтін дүние.
«Жасыл кітап», 2018
Картинада Тони Болтун есімді жүргізуші мен оның бастығы — музыкант Дональд Ширли арасындағы ерекше достықтың хикаясы баяндалады. Олардың жол сапары елдің оңтүстігіне, нәсілдік кемсітушілік әлі де жалғасып жатқан аймаққа бағытталады. Кейіпкерлер дәл осы сәтте қарама-қайшылықтардың тартысы мен әртүрлі әлемнен келген адамдар арасындағы достықтың шынайы құнымен таныспақ.
«Рокетмен», 2019
«Рокетмен» — Элтон Джонның өміріне арналған биографиялық фильм. Өнер иесінің шығармашылық жолында бастаған алғашқы қадамы, жүрегі жараланған сәттері, қорқынышы мен амалсыздан тығырыққа тірелген кезеңдері суреттелген. Бірақ музыкант өзі түсінгендей, өлтірмейтін нәрсенің бәрі — адамды мықтырақ ететініне сенеді.
«Толкин», 2019
Картина қоғамнан шеттетілген, махаббатты, достықты және шабытты Бірінші дүниежүзілік соғыс кезінде тапқан жазушы жайлы. Джон Рональд Руэл Толкиннің рөлінде — актер Николас Холт.
«Перл-Харбор», 2001
Нағыз махаббат, достық, адалдық пен борыш сезімі тоғысқан қайғылы мелодрама. Оқиға желісі Екінші дүниежүзілік соғыс кезінде, Перл-Харбор қаласында өрбиді. Басты рөлдерде: Бен Аффлек, Джош Хартнетт және Кейт Бекинсейл.
«Қауіпті әдіс», 2011
Туынды психоанализдің негізін қалаушылар Карл Юнг пен Зигмунд Фрейдтің Сабина Шпильрейн есімді науқаспен арадағы күрделі қарым-қатынастарын баяндайды. Оқиға шынайы өмірдегі деректерге негізделіп таспаланған.
Автор. Harper’s BAZAAR Kazakhstan. Аударған. Қорлан Тұрсынбекова. Источник заглавного фото. Shutterstock. Автор. Gladskikh Tatiana
